Yaadon Ki Baarish

Ye baarish ka mausam hi kuch aisa hota hai
Yaadon ka silsila sath le hi aata hai
Shayad isliye bhi ki barish me chalte chalte
Koi aapki palkon se gire aansuon ko dekh nhi pata hai

Kuch purane kisse hume bhi aaj yaad aaye hain
Kuch purani yaadein bhi taaza si ho gyi hain
Jab nazrein tiki rehti thi us ek khidki pe
Vo tasveerein aankhon mein ghum si rhi hain

Is baarish me hi toh hum pehli baar mile the
Is baarish ne hi humari baat karwayi thi
Akhir kaise bhool sakte hain vo mulakaat
Is baarish me hi humari nazrein takrayi thi

Kuch fayde aur kuch nuksaan bhi hain is baarish ke
Sab jagah keechad hai par dil paak saaf hai
Pani se bhari sadak paar karwane ke liye hi toh hath thama tha tumne
Aur pyaar ke is mausam me ki gayi har gustakhi tumhe maaf hai

Aur fir is baarish ke sath hi chup se ho gye hum dono
Mausam ke mizaaz dono taraf se kuch badal rhe hain
Fir palat kar na dekhna hi shayad sahi bhi hoga
Par ye baarish ke aasaar kuch aur hi byaan kar rhe hain

Keep smiling and believe in yourself 😊